Lurah Indak Babatu

Judul Lagu : Lurah Indak Babatu
Ciptaan : Agus Taher

Malang nasib nyo lurah indak babatu
Indak sarupo tapian
Rami urang basigurau
Langang nan mamanciang galau
Murai pun anggan bakicau
Malang bungo ilalang iyo kapamenan

Malang untuang nyo
Lalang di gurun langang
Indak ado nan manyiram
Dapek aia hibo hujan
Ka manangih sio sio
Sarik bana batenggang
Malang tasisiah juo
Balangang surang

Sapantun lurah sunyi
Nasib manimpo diri
Buruang nuri malayok manari nari
Ka manurun tabang tinggi
Tabang tinggi hanyo mimpi

Riak nan ma napi
Babisiak banyanyi nyanyi
Kawami malam ko sunyi
Nak hilang gamang di hati
Salamonyo untuang badan pamenan diri

Malang untuang nyo
Lalang di gurun langang
Indak ado nan manyiram
Dapek aia hibo hujan
Ka manangih sio sio
Sarik bana batenggang
Malang tasisiah juo
Balangang surang

Sapantun lurah sunyi
Nasib manimpo diri
Buruang nuri malayok manari nari
Ka manurun tabang tinggi
Tabang tinggi hanyo mimpi

Riak nan ma napi
Babisiak banyanyi nyanyi
Kawami malam ko sunyi
Nak hilang gamang di hati
Salamonyo untuang badan pamenan diri


Judul Lagu : Lurah Indak Babatu
Ciptaan : Zul Azham

Jauah jauah jauah laruik paratian
Malam indak bakawan
Jauah kampuang halaman

Mangko denai bajalan
Dek bansaik gunjiangan urang
Mandeh doakan denai di rantau urang

Sapantun cando karakok tumbuah di batu
Indak cameh bilo ka gadang
Dek lurah indak babatu indak babatu
Kato luruih urang kelokkan

Mandeh mandeh kan tau ado siang ado malam
Hapuihlah aia mato jan balinang

Mandeh mandeh kanduang mandeh nan den sayang
Lai den taragak kampuang ranah tapian
Nyampang kabuik hilang baransua tarang
Mandeh saba lah mandeh di panantian

Sapantun cando karakok tumbuah di batu
Indak cameh bilo ka gadang
Dek lurah indak babatu indak babatu
Kato luruih urang kelokkan

Mandeh mandeh kan tau ado siang ado malam
Hapuihlah aia mato jan balinang